今日十五洗水晶

今日是農曆十五, 月圓的日子, 好好把握今日, 將自己心愛的水晶放在月下, 讓佢曬曬月光, 洗個白白~  =D

清洗水晶

我地好多時都會帶一些水晶, 去增加自己既運氣, 或者去補給及平衡自己既脈輪, 水晶係每一日為我地工作付出既同時, 亦都會吸左我地好多好多既負能量, 所以我都應該好好對待我地既水晶, 為佢清清負能量及打打氣.

最簡單既方法就係每日回家後, 把水晶輕輕的用水沖去表面o既灰塵, 之後放置佢在水晶簇上, 好讓佢地叉叉電~ 但記得, 千萬唔好將一大堆水晶堆到一個水晶簇上, 因為如果你放得太多, 水晶簇的能量都不能好好的分配給所有水晶, 就好似同一時間要你照顧住十個小朋友一樣, 小朋友得唔到好好照顧, 而你亦辛苦到不得了的情況一樣呢~


而水晶簇本身是可以自我叉電的能力, 但若有時間, 都請好好對佢一下, 將佢放係陽光下曬曬及沖沖水去去去灰塵, 令佢再refresh一下, 更有可令令佢生一D細細既水晶柱BB出來呢~

累了的時候

人是情感的動物, 就算充滿正能量的人, 亦都會有情緒低落的時間, ...

當你覺得心靈太累了, 許多人都會建議去做冥想, 但如果不懂冥想又可以如何呢?

這時候你可以到你喜歡的地方, 去親親大自然, 靜靜的閉上眼睛, 把心事告訴天使, 請他們將你的負能量帶走, ...又或者只是好像上圖一樣, 感受一下大自然, Mother Earth都會令你的心平靜一點.

我做呢個動作的時候, 都會同朋友說我去"叉電", 而每個人的"電磁"都好不一樣, 我會晚上到海灘"叉電", 有朋友會在日間去有草地的地方, ...其實什麼地方都不要緊, 只要你可以放鬆, 可以接觸到Mother Earth, 她都會用愛去安撫你的心.

請照顧別人的感受

最近, 有件事, 令我覺得...好累...

我會擔心我的客人, 因為我並不是只當他們是客人, 我付出真心...

有時, 女孩們都會哭訴自己不知道自己做了什麼而令男友不高興, 令男朋友要說分手...其實, 有時, 我都會感受到壓力, 因為女孩們很焦急, 很心煩, 她們要傾訴, 我明白.

但最近有位女孩子, 往往在清晨時份找我...

女孩呀, 你對著我, 對著一位不算熟悉的我, 也如此不理時間, 如此施壓, 我想你身邊的人一定也承受著一定的壓力, 請不要搶著說沒有, 靜下來, 好好的想想, 好嗎?

要看透別人的心事, 並不易, 但逆地而處, 站在別人的位置看看, 這樣, 別人一定感受到你的在乎, 你亦會變得更可愛.

Speed Dating?

因應朋友邀請, 早前出席一個Speed Dating活動, 為參加者進行占卜, 其中為一位朋友占卜的時候, 發現佢因為之前在感情路上受過傷害, 所以不願再付出.

在之後傾談當中, 我覺得他整個人都充滿一種令人窒息的壓力, ...在參加 Speed Dating的同時, 以高姿態訴說要女士對自己有興趣不難, 只要向在場女士表示自己的職業, 自己的背景, 女士們都一定會雙眼放光, 都一湧而至, ...

現在盛女, 港女, 宅男, 草食男, ...太多的名稱, 太多定義, ...你覺得我港女, 我覺得你賤男, 未與人接觸已先行下判斷, 先已為對方定位, 這樣的交友態度好嗎? 可以交心嗎?

我想, 因為現在的人, 實在太忙, 實在太沒有時間, 實在太shy去認識朋友, (尤其性別比較極端的行業朋友), 所以才有Speed Dating等活動衍生, 讓有意識朋友的人可以在短時間內去識到新朋友, 但如果人人抱著搵啖食或釣金龜的心態, 又真係可以識到..."朋友"嗎?

人與人之間應該存有愛, 所有關係都源自愛, 在好好保護自己的同時, 請放開一點, 對別人付出愛, 那你得到的, 一定會俾付出的, 更多, 更多.

Gifted

早兩天, 跟一位很特別的客人K進行占卜, 占卜後, 我同佢傾左一陣計, 佢同我講佢有好強的第六感, 呢個第六感令佢避過許多意外, 而且佢仲會見到一D我地見唔到的靈體...

我聽到呢度, 好老實的說, 我的確覺得有一點驚, 我冇估到一位客人會咁同我講...我信有靈體嗎? 我信, 但我跟老師學和通常說的, 都會是守護靈, 而唔係其他"朋友"...

在同K傾計的時間, 發現佢呢個能力, 令佢覺得有點壓力, 因為在言談當中, 佢不下多次講及"唔想人地覺得自己好奇怪", ...

其實每個人都有其獨特之處, 請不要覺得自己奇怪, 因為你收到的, 並唔係奇怪的事, 而係一份禮物, 上天給你一份獨特的禮物, 獨特的技能, 所以請好好珍惜這份獨特的禮物~ =)

請找回你純真的心

昨天跟一個好漂亮的女孩子E進行占卜, 彷彿女孩子都總會因為感情事而令到自己苦惱和迷失, E不停的去找人占卜, 去找一點支持, 去想用占卜去為自己加點信心, 而老實的說, 不斷的去執著答案, 其實只會令你更迷失呢, 記得我和其他占卜師告訴你的話嗎? 先處理好自己, 先去做好自己, 你要好好的把握時間, 去平衡, 去改善, 你會得到更多.

在抽天使牌的時候, 天使帶來了一個訊息, 他們想告訴你, 他們都知道你的心情, 請你把怨恨, 把怪責自己的心情, 都放開吧, 去放過自己, 去回復一個平靜純潔的心, 而他們亦都提醒你, 要站在對方的立場去好好想想呀~

所以E, 請不要用試探的方式, 試試站在對方的角度, 好好去想想, 好好純真的去愛對方吧.