請照顧別人的感受

最近, 有件事, 令我覺得...好累...

我會擔心我的客人, 因為我並不是只當他們是客人, 我付出真心...

有時, 女孩們都會哭訴自己不知道自己做了什麼而令男友不高興, 令男朋友要說分手...其實, 有時, 我都會感受到壓力, 因為女孩們很焦急, 很心煩, 她們要傾訴, 我明白.

但最近有位女孩子, 往往在清晨時份找我...

女孩呀, 你對著我, 對著一位不算熟悉的我, 也如此不理時間, 如此施壓, 我想你身邊的人一定也承受著一定的壓力, 請不要搶著說沒有, 靜下來, 好好的想想, 好嗎?

要看透別人的心事, 並不易, 但逆地而處, 站在別人的位置看看, 這樣, 別人一定感受到你的在乎, 你亦會變得更可愛.

Speed Dating?

因應朋友邀請, 早前出席一個Speed Dating活動, 為參加者進行占卜, 其中為一位朋友占卜的時候, 發現佢因為之前在感情路上受過傷害, 所以不願再付出.

在之後傾談當中, 我覺得他整個人都充滿一種令人窒息的壓力, ...在參加 Speed Dating的同時, 以高姿態訴說要女士對自己有興趣不難, 只要向在場女士表示自己的職業, 自己的背景, 女士們都一定會雙眼放光, 都一湧而至, ...

現在盛女, 港女, 宅男, 草食男, ...太多的名稱, 太多定義, ...你覺得我港女, 我覺得你賤男, 未與人接觸已先行下判斷, 先已為對方定位, 這樣的交友態度好嗎? 可以交心嗎?

我想, 因為現在的人, 實在太忙, 實在太沒有時間, 實在太shy去認識朋友, (尤其性別比較極端的行業朋友), 所以才有Speed Dating等活動衍生, 讓有意識朋友的人可以在短時間內去識到新朋友, 但如果人人抱著搵啖食或釣金龜的心態, 又真係可以識到..."朋友"嗎?

人與人之間應該存有愛, 所有關係都源自愛, 在好好保護自己的同時, 請放開一點, 對別人付出愛, 那你得到的, 一定會俾付出的, 更多, 更多.

Gifted

早兩天, 跟一位很特別的客人K進行占卜, 占卜後, 我同佢傾左一陣計, 佢同我講佢有好強的第六感, 呢個第六感令佢避過許多意外, 而且佢仲會見到一D我地見唔到的靈體...

我聽到呢度, 好老實的說, 我的確覺得有一點驚, 我冇估到一位客人會咁同我講...我信有靈體嗎? 我信, 但我跟老師學和通常說的, 都會是守護靈, 而唔係其他"朋友"...

在同K傾計的時間, 發現佢呢個能力, 令佢覺得有點壓力, 因為在言談當中, 佢不下多次講及"唔想人地覺得自己好奇怪", ...

其實每個人都有其獨特之處, 請不要覺得自己奇怪, 因為你收到的, 並唔係奇怪的事, 而係一份禮物, 上天給你一份獨特的禮物, 獨特的技能, 所以請好好珍惜這份獨特的禮物~ =)

請找回你純真的心

昨天跟一個好漂亮的女孩子E進行占卜, 彷彿女孩子都總會因為感情事而令到自己苦惱和迷失, E不停的去找人占卜, 去找一點支持, 去想用占卜去為自己加點信心, 而老實的說, 不斷的去執著答案, 其實只會令你更迷失呢, 記得我和其他占卜師告訴你的話嗎? 先處理好自己, 先去做好自己, 你要好好的把握時間, 去平衡, 去改善, 你會得到更多.

在抽天使牌的時候, 天使帶來了一個訊息, 他們想告訴你, 他們都知道你的心情, 請你把怨恨, 把怪責自己的心情, 都放開吧, 去放過自己, 去回復一個平靜純潔的心, 而他們亦都提醒你, 要站在對方的立場去好好想想呀~

所以E, 請不要用試探的方式, 試試站在對方的角度, 好好去想想, 好好純真的去愛對方吧.

靈擺七輪測試

靈擺可以用來占卜, 但我比較少咁樣做, 我通常都係用來作七輪測試或者係用來測試水晶, 朋友每次見到我, 都會叫我用靈擺幫佢地睇下身體健康, 次次測試完, 又會話好似睇中醫, 好神奇咁, 但其實我做緊咩呢? 點解我會講得出佢o既狀況呢? 朋友們次次都R頭, 亦都唔明點解我要一手放係某D位咁check, 既然係咁, 等我係度同大家簡單講解一下~

其實人的身體上邊主要有七個輪位, 當然其實係其他位置, 例如掌心都仲會有, 不過我地講的輪位, 主要都係講下圖既七個輪位.

圖入邊由上到下, 分別有:
Crown Chakra - 頂輪
Third Eye Chakra - 眉輪 / 三眼輪
Throat Chakra - 喉輪
Heart Chakra - 心輪
Solar Plexus Chakra - 太陽輪
Splenic Chakra - 臍輪
Root Chakra - 底輪

七個輪位, 主要掌管各個相應部位的健康, 亦都反映到相應的靈性反應活動, 所以當我用靈擺作測試o既時候, 就大致可以睇到你當時o既狀況.

下次再同大家講解下七輪相應的靈性反應活動同相應部位~ =)

免費占卜

因為剛開呢個網, 為左慶祝新張, 現時新客戶每人可獲免費占卜一條問題, 歡迎大家email, 電話或whatsapp查詢~ enjoy~~

新開張了~

一直有好多朋友時常問我, 你有没有網誌或者網頁呀?
我朋友想要知道你的資料呀, 可以點呀?

但因為我一直都好懶惰, 所以都冇開到一個網頁, 但今日終於的起心肝, 開一個網誌, 可以俾大家多一個方法可以認識我多一點~